原文：始得西山宴遊記

自從我啱啱做咗補習社老闆，望住喺間無學生嘅教室，就成日都好鬼擔心。得閒嗰陣，我就周圍行吓，四圍兜吓。每個月都會搵其他老師、老闆傾下偈，上升降機、入教室，學佢哋嘅教學手法。又大又光嘅教室，精心設計嘅課程，每一樣細節都值得我去仔細研究。一到目的地就走入佢哋嘅教室，全情投入咁觀察每一個細節，好似撞邪咁。探訪完我心裡面充滿敬意同感慨，希望有朝一日可以去到佢哋嘅境界。發完夢後，我就返去自己嘅補習社。我以為呢個領域裡面所有出色嘅教學方式，我都睇過晒啦，但係我當時仲未發現學習啟航號嘅特別之處。

今年九月廿八日，我同一位老師傾偈嘅時候，佢無意中提到學習啟航號，我腦海即刻彈出驚奇嘅感覺。於是我叫咗的士司機帶我穿過維多利亞港，沿住複雜嘅街道，捱過塞車嘅紅隧、人車爭路嘅彌敦道，終於到達荃灣。走入學習啟航號嘅教室，隨意坐低觀察，原本只存在喺書本入面嘅教學理念，依家就喺我眼前出現。裡面嘅教育方式好多元化，嚴格嘅係要挑戰學生極限，舒適嘅係要培養學生基本能力，睇落去似係拔尖，但由另一個角度睇又好似補底。睇落去可能只係一啲好細嘅改變，但實際上卻提昇咗成個教學層次。啲教育理念同教學方法喺度聚集、凝聚、融合，冇乜嘢係唔令我讚嘆。青蛙掛門、獎狀圍繞，門外又同意見牆相連。踏入學習啟航號之後，先至知道呢度嘅教學形式真係好鬼特別，同一般嘅教室係完全唔同。好似無窮無盡，佢地嘅教學同潮流合一而睇唔到盡頭；好似輕輕鬆鬆，創新同教學理論融合而唔知終點喺邊。於是我拎起紙筆，搏晒命咁記錄，直頭去到無我境界，唔知唔覺就到咗落堂時間。越嚟越夜，學生一個一個咁返晒屋企，教室變得空空蕩蕩，但係我仲唔想走。我嘅腦袋一直諗緊啲嘢，甚至諗到忘記咗自己嘅存在，唔知唔覺就同呢度嘅教學環境融為一體。之後我先至發現，以前嘅我未曾感受過真正嘅教育，真正嘅教育就係由呢度開始。所以我將呢次嘅教育探索寫成文章，記錄落嚟。呢一年係中華民國111年。