原文：《勸學》

魏Sir話：學習呢家嘢係唔停得㗎。譬如智能手機係由傳統大哥大演變而嚟，但係就比大哥大更細、更輕、更多功能；電子書係由傳統紙本書演變而嚟，但係就比紙本書的儲存量更大、更方便、更環保。所以智能手機經過科技嘅進步變得更貼心，電子書經過創新設計就變得更便利，同樣學習啟航號可以幫你加強基礎嘢之餘，更可以學習不同嘅學習技巧，令你適應唔同嘅需求同改變。

我坐低度諗咗成日，都唔及我走出去搵魏Sir學一陣嘢；我趷高隻腳去睇嘢，都唔及我企高幾層睇得更遠。我係高啲嘅地方揮手，手臂雖然無伸長，但係就可以令到好遠嘅人都睇到我；順住啲風大嗌，我把聲無特別增大到，但係啲人又聽得好清楚。識得搭車嘅人，唔駛行得好快，但係一陣間就出到巿區。識得搭飛機嘅人，唔駛識游水，但就可以輕輕鬆鬆咁嚟到台灣。啲勁人嘅天賦同普通人無咩分別，只係識得借用其他野啫。學習啟航號就係個好嘅外援，可以幫我提升實力。

啲石屎堆下堆下，就堆咗咗棟商業大廈，啲大集團就嚟咗；啲沙填吓填下，就填咗撻地出嚟，嗰新城巿就咁出現咗；日行一善，慢慢就養成行善嘅習慣，咁就會變成一個童軍。所以無好好咁跑你嘅每一步，就無辦法跑完馬拉松；唔累積每一次細少的努力，就無辦法成就心目中的大事。法拉利踩一秒油門都去唔到一公里，踩5分鐘單車就一定能到，嗰原因咪就係佢不停咁踩囉。讀書嗰陣亂咁嚟讀，讀吓停吓咁，梗係讀唔掂啦；如果有策略咁專注嚟讀，連個A都攞埋返嚟啦。

努力嘅學生未必有屈機嘅智力、過目不忘嘅記憶，但係就可以攞到理想嘅成績之餘，又可以享受學習的樂趣，咁係因為佢地夠專心。資優學生就算有較強嘅學習能力，但如果無恆心同毅力，佢地都係無辦法持續進步，咁係因為佢地無耐性呀。

睇完成篇野係咪覺得學習啟航號對學習真係好重要呢！即刻WhatsApp魏Sir啦，學習呢家嘢唔停得㗎！