《逍遙教》—HKDSE範文二創計劃^^
原文：逍遙遊

偉Sir同魏Sir講：「老闆畀咗一套又豐富又獨特嘅補充教材我，但呢套教材太特別，學生都睇唔明。我試過將佢拆成不同嘅單元，但佢嘅內容太過複雜，根本無法融入我哋嘅教學進度。呢套教材唔係唔齊全，但因為佢喺實際教學中嘅限制，我都只能選擇唔用佢。」

魏Sir講：「阿偉Sir，你真係唔識用呢啲高級嘢喎！香港有個學生，識得一種特別嘅學習方法，每個學期都靠呢個方法攞獎學金。有個老師知道咗呢件事，佢就出一萬蚊想買呢個學生嘅學習方法。個學生心諗：『我每個學期用呢個方法讀書，獎學金都唔夠一千，而家一次過可以得到一萬。算啦，都係將個學習方法講畀佢吧啦。』呢個老師攞到個學習方法之後，就去搵學習啟航號嘅老細，咁啱公開試又快到，學習啟航號老細就畀呢位老師用佢嘅學習方法嚟教啲學生，結果學生考得好好，仲攞到幾個A，老細於是畀佢做大埔分校嘅負責人嚟開展佢自己嘅事業。識得令學生進步嘅教材同學習方法原本都係一樣嘅，啲老師識得用佢培育學生嘅潛能，幫助佢哋不斷成長；有啲人就只會令學生依賴教材，學唔到真正嘅知識，咁都係因為嘅使用方法唔同呀。你而家有呢套齊全又獨特嘅教材，點解唔試下用佢嚟整個全新嘅課程，幫學生發揮所長、衝星攞A，你反而喺度擔心教材太特別而唔知點用？睇嚟阿Sir你真係無乜創意、唔夠變通又無乜適應力呀！」

偉Sir又對魏Sir講：「圖書館入面有一套好厚嘅書，封面唔靚又唔吸引人，一啲都唔啱呢家讀者嘅眼光，佢嘅內容又多又繁複，唔啱拎嚟消遣或者寫讀書報告。就算將佢擺喺圖書館最當眼嘅地方，學生都唔會望佢一眼。雖然你頭先咁樣講，佢呢套書仍然係大而無用，大家都唔會鍾意佢。」

魏Sir話：「呀偉Sir，你冇留意到啲新嚟嘅年輕教師咩？佢哋好有教學熱情，鐘意嘗試唔同嘅教學方法。一陣喺度帶學生討論，一陣又喺度組織學生做project，變化多端，充滿活力。無唸過佢只係一味追求教學方法嘅創新，反而忽略咗學生真正嘅需要，導至教學最終失敗。另一啲老牌教師，佢哋有豐富嘅教學經驗，教學技巧純熟，可以深入淺出咁將知識講畀學生聽；佢哋嘅好鬼勁，但係就成日堅持依前嘅教書方式，適應唔到新時代嘅教育要求。你而家有呢套好厚嘅書，點解唔將佢擺喺一個特別嘅角落，設立一個研究空間，等有興趣嘅學生可以輕輕鬆鬆咁嚟探索，無憂無慮咁坐低自由閱讀呢？咁樣，呢套咁厚嘅書就唔會被人睇唔起，唔會被人丟埋一邊唔理。佢會喺呢個特別嘅角落安靜咁放住，等待欣賞佢嘅學生，雖然佢未必能立即獲得所有人嘅認同，但係喺呢個角落就可以悠哉游哉咁等懂得欣賞佢嘅學生，咁又有咩困擾呢？」